الاب علاوي يقفل مراكزه بسبب تعرضه لابتزاز عناصر من قوى الامن بحسب قوله

Almarsadonline

تفاصيل المؤتمر الصحافي الذي عقده الاب علاوي :

اليوم تأكدت انو ٦٠% من هالناس ما عندن خطيئة… لأنو ما عندن شي إلا يرجموني بالحجار…
مش مهم… بهالحجار عم عمر مملكة… وربنا قاشع وشايف ورح ينصف أعمالنا… ولو بعد حين…
سعيد انا يا بيي… لأنو عم يتقل الصليب…
بس وجعي عهالولاد وهالمدمنين يلي عم يتحاربو كل يوم… من شرور هالدني وهالدولة…
قوى الامن كل يوم على باب الجمعية… ممنوع نرمم… ممنوع نظبط حيط عم يكب ماي…
يا عيب الشوم على هالدولة الشاطرة علينا مش عليهن… القوية علينا مش عليهن… يا ابني يمكن ابنك او بنتك يكونوا مدمنين يوما ما… ما تخايلت شو مصيرن بلا جمعية؟…
مش مهم… لأنو مصيرنا بلا وطن بيستوجب نعيش مصير بلا رحمة وبلا انسانية… ولهالسبب رح سكر المراكز التالية:
مطعم الحازمية- مطعم عين الرمانة- مطعم الهامبرغر الشياح- مطعم فرن الشباك- مطعم النبعه- مطعم برج حمود- فرن برج حمود- مكتب الاستقبال بالدوره- سوق الاربعاء- بيت التيتا برج حمود- بيت الشباب برج حمود- بيت المشردين برج حمود- بيت المسنين غوسطا- بيت الاطفال كفرمسحون جبيل- قرية الانسان- مطعم جبيل- مطبخ شكا يلّي بيطبخ ل مجدليا وأنفه والبترون والكوره- فرن طرابلس- فرن الكوره كفرعقا- مطبخ زغرتا.
مؤتمر صحفي الأحد ٥ شباط بقرية الانسان المعيصرة وبعدو ذبيحة الهية واكيد كل اعلامي بيقدر يفوت يشوف شو الاشغال يلي منعونا نعملها بالقرية لأنها بتمس بالسلم الأهلي…
الله كبير… والساكت عن الحق شيطان!
خادم جمعية سعادة السماء
الأب مجدي العلاوي