وليام نون يهاجم لأول مرة فوج الإطفاء…. والسبب ؟!
Almarsadonline
شن وليان نون للمرة الاولى هجوماً على فوج الإطفاء ورئيسه على خلفية زيارة الفوج الرئيس بري وتكريمه واهدائه درعاً تكريمياً
وكتب نون عبر منصة “انستا”:
بتمنى من كل حدا يقرا عشو الإعتراض قبل ما تجرّو مشاعرو السياسية ويفوت يسبنا، لمرّة وحدة حطّو كل حدا رأيو السياسي عجنب. هيدي الصورة اليوم قائد وضباط من فوج الإطفاء بعين التينة مع درع تكريمي لنبيه بري.
من مبدأ الحريات نحنا ما خصنا مين بيقعد مع مين ومين بيتصور مع مين. كل شخص حر بعلاقاته وحياتو، بس إنو ينزل قائد فوج إطفاء بيروت مع ضباط بالبدلة وحاملين درع تكريمي للرئيس بري هيدي اكتر شغلة مستفزة ل ٣ أسباب:
اول شغلة عندو ٢ من الكتلة هربانين من التحقيق، غازي زعيتر وعلي حسن خليل
تاني شغلة بالضغط والتنسيق مع باقي المطلوبين هوي من اكتر الناس يلي عم يعرقلو عمل التحقيق من خلال طلبات الرد والمخاصمة.
وأضاف “تالت شغلة والأهم بس تظاهرو أهالي الضحايا قدام عين التينة لتوقيف جلسة كان عم يتقَطَّع فيا قانون يفرط التحقيق، ومن بين المتظاهرين إمهات وبيات ١٠ عناصر من الفوج، كان الرد بتفليت حرس المجلس وخبيط عن بو جنب للكل من ضمنن الأمهات والمحجبات”
وختم”صراحة هيدي أول مرة بندم وبزعل عكل تكة خيي قضاها بالفوج، مش عارف انو قسم من رفقاتو رح يطلعو هالقد هيني علين ينسو”
اذا مش قادرين ياخدو موقف عالقليلة ما يستفزّو
