“الوضع صار فلتان عالآخر وخصوصي بزحلة”.. شاب يكشف عن حادثة خطيرة حصلت مع شقيقه في زحلة ويدعو للأمن الذاتي!

Almarsadonline

نشر الشاب شربل مينا ابن مدينة زحلة منشوراً عبر حسابه على فايسبوك كشف فيه عن تعرّض شبان داخل سيارة لشقيقه في منطقة زحلة، ورجّح ان يكون الهدف السرقة او الخطف.

وأضاف في المنشور: خيّي “ولحسن حظّه” كان حامل سلاح معه بعد ما صار مجبور كل واحد منّا شكلو يحمل سلاح بهالمزرعة الفلتانة، لأن ما حدا بيعرف شو معقول يصير قد ما عم يصير.
بس نزل ورفع سلاحه بوجّن، صرخولو إنّو هنّي “أمن دولة” وطلبوا منّو يوطّي
هالشابين لبنانيّي، واحد كان مغطّى وجّو والتاني كان عالمكشوف والشّي الأكيد إنّن من برّات زحلة
طلب منّن يفتحوا الطريق ما زال هنّي أمن دولة ليكفّي طريقه عالبيت، فجرّب واحد منّن يسحب رشاشه من السيارة ليخوّف خيّي وكان في مسافة بيناتن.
لحسن حظ خيّي، كان في سيارة تاني جايي، فخافوا الشباب وضلّوا هربانين بسيارتن بسرعة نحو المجهول.
طبعاً زحلة الساعة ١ عم تطفي كهربتها فلا فيك تلاحقن ولا فيك تتّبعن.
أكيد إجو القوى الأمنيّة لعنّا وج الضو وأخدوا الإفادات، بس للأسف ثقتنا بهالدولة عم تختفي دقيقة بعد دقيقة.
فصار الوقت إنّو نحنا بقا نقوم بالمبادرة ونحنا نحرس عيالنا وأرزاقنا وأملاكنا ومنطقتنا.
ما نتّكل عا حدا بقا لأن الوضع صار فلتان عالآخر وخصوصي بزحلة.
أنا مع الأمن الذاتي لأن مش ناقصنا مصايب توقع فجأة فوق راسنا.
فيا نواب وفعاليات منطقتنا، صار بدّا !!