كان يصور معراب بالدرون فأُطلِق عليها الرصاص وادخل السجن!

انها قصة باسم جمّول المصور الذي ” تنبه لدى اطلاق النار على الدرون العائد اليه واعتقاله أنه شيعي” على حد قوله، وهو لم يفكر بطائفته يوماَ او عنصريته…

انه هاوي تصوير القرى والبلدات اللبنانية اذا ما دخلت الى صفحته… لكن على حد قوله، يجب ان لا تنسى يوماً انك في لبنان….

اليكم رواية باسم جمّول للحادثة التي وقعت معه واوصلته الى السجن وفق ما رواه على صفحته على فيسبوك:

“سلام للجميع
انا صرلي فتره خارج الخدمه لأنو صراحه صار معي حادثه مؤسفه و ما كان معي اي وسيله للتواصل الى حد مبارح .
قبل ما احكي شو يلي صار معي في مقدمه بدي من كل الناس تعرفها كتير منيح و تحملوني اذا شوي لح طول .
انا انسان ما بتعطه السياسه ولا دين ولا بفهم فيهن ، ولا بنخلط مع ناس من هل نوع لانو ما بهتم لهيك مواضيع و اصلا ما بفهم فيهن ولا حتى بدي افهم فيهن وأي شخص كتير بيحكي بي هيك قصص بجرب اتجنبو .
انا شخص من زمان كتير من بعد ما توفى اهلي عايش وحيد ما بقرب صوب حدن ولا حدن بقرب صوبي ، كافي خيري و شري من الناس و العالم ، عايش دور المواطن المثالي يلي بيرجع على بيتو الساعه ٩ و ما بقي يضهر منو لتاني يوم الصبح، ما بسمع اخبار و حتى ما عندي tv وأي حدث كبير بي صير انا بعرف فيه بعد كم يوم عن طريق الصدفه من الشارع ، أخد من التصوير هوايه بس لمجرد انو قطع الوقت مش اكثر .
الجمعه 29-9-2023 الساعه ٣ الظهر خلصت شغل بكير و كنت موجود بي المعاملتين على البحر ، بشوف ضباب نازل من الجبل يلي وراي بي مشهد بنورامي كأنو جبل فوجي بي اليابان ، فقررت انو لزم صور هيدا المشهد، طلعت على بلده غزير حتى صير أقرب للجبل و اخد اللقطه وبس وصلت الدرون لقمت الجبل و بلشت تسقط بي اتجاه الساحل بسمع صوت عيارات ناريه ثقيله و غزارة نيران كثيفه ، فكرت انو صيادين بدون يقوصو على الدرون من باب الاذى فرجعتها و فلت على البيت الاني مش من النوع يلي بحب المشاكل.
الاثنين 2-10-2023 الساعه ١٢ الظهر كنت بي مكان عملي بي زقاق البلاط بيروت بيجي ٤ سيارات مفيمين بي سكرو المنطقه كلها و كل سياره بينزل منها ٣ مسلحين بي كامل عتادن العسكري و حاملين اسلحه حربيه و في منون ملتمين او حاطين قناع واقي . بيقطعو حركت السيارات من كل الاتجاهات و بيدهمو المحل بي طريقه بولسيه و بكبوني على الأرض و بكربجوني ، بي عصبولي وجي بي قماش و بيخدوني. تزامنا بي مداهمه بيتي بي منطقه المصيطبه و دخلو على البيت و صاردرو كل الاجهزه الكترونيه تحت مرمى عيون سكان المصيطبه و زقاق الابلاط يلي فكرو كلن اني طلعت جاسوس و عم اتخبر مع العدو .
بعد ٣٠ دقيقه وصلت على مركز لشعبه المعلومات بي جبل لبنان ( طبعا بعد كم يوم حتى عرفت انا وين) و هيدا الفرع ما بي فوت عليه الا القضايا تعول high profile استقبلوني كبار الضباط هونيك بس للأماني ما حدن غلط معي نصف غلطه هونيك او قللو احترامي مع انو هيدي سمات كتير نادره انها تصير بي هيك فرع أمني عالي التشديد . فكو الكلبجات و بلش التحقيق بي طريقه كلها احترام بس طبعا انا مرعوب رعب ما عشتو بي حياتي كلها .
طلعت القضيه لما كنت عم صور من غزير وصلت الطياره على قمت الجبل هونيك بلشت تقرب على بلده معراب مكان ايقامه رئيس حزب القوات اللبنانيه سمير جعجع فبلشو يرمو الرصاص عليها و ما صابوها لأنها سريعه كتير و انا صرت ناور فيها حتى اتجنب الرصاص يلي ما كنت عرفن مصدرو و اسبابو . فأدعو عليه معراب و تكلف فرع المعلومات بي التحقيق و مطارتي ، و حتى تكبر الأمور اكثر وتلبسني التهمه بي إحكام انو انا من الطائفه الشيعيه يلي اغلب الوقت بكون فيها ناسي اني شيعي لانو متل ما ذكرت بي البدايه ما بتعطه دين ولا سياسه و هيدي الأمور ما بتهمني فصارت التهمي شو عم يعمل واحد شيعي بي كسروان وليش عم بي صور ومين بعتو و شو المهمه المكلفه الو و لصالح مين عم يشتغل .
صار يبين شوي شوي بي التحقيق انو كل هيدي الهرتقه هي مجرد وهم اول شي انا معي تراخيص من وزاره الدفاع الوطني ماضي عليها قائد الجيش انو بقدر صور كافه الأراضي اللبنانيه والجيش اللبناني معو خبر .
فرغو كل المعلومات يلي بي الكاميرات و ما لقو شي محرز بيلفت النظر
فرغو التلفون و داتا الاتصالات و ما لقو شي مشبوه وهون صار يخف التوتر شوي شوي و يبين انها قضيه فاضيه
بس المشكله انو انا كنت موقوف بي هل الوقت و ضلت ٤ ايام بي وحده من أكثر السجون قصوه لواحد متلي مش معود على البهدلي .
كنت كل هل الوقت بي سجن حجمو ٣متر طول بي ١ عرض بي يستوعب ل ٦ أشخاص بي حد أقصى بس نحنا كنا ١٠ ، في ٦ بينامو و ٤ بفيقو وبي نص الليل بي بدلو الوقفين مع النايمين و عمليه النوم بتصير كعب رأس. و اذا واحد بدو يقلب على ثاني جنب بدو يفيق يلي حدو حتى يقلبو مع بعض حتى ما تصير أجرك بي تمو و العكس صحيح . ١٠ أشخاص عم بي دخنو بي غرفه بلا شباك وما فيها ضو وكل المساجين يلي جو رتب رفيعة المستوى بتبلش من قاتل متسلسل ل سطو مسلح ل اتجار بي المخدرات
٤ ايام كانو وحده من ابشع كوابيسي يلي لح تترك آثار كبيره على نفسيتي بي المستقبل . ما بقدر اوصف الوحشه و الغربي و الرعب يلي بتكون في بي هيدي الظروف . هونيك بي هيدا المكان الموحش بينعدم احساسك بي الوقت بي بطل في شي اسمو زمان او مكان أو مادي ،بي بطل في شئ اسمو شئ لأنو كل قوانين الفيزياء جوا بتنهار ، بصير المكان هو احساسك بي الماده و بصير الزمان هو تعاقب الأحداث ما فيك تعرف انت وين او اديش الساعه بتصير تلحق الأحداث حتى تعرف الوقت . متل لما يفتحو الباب و يفوتو على الطابق بتعرف انو صارت الساعه ٨ . لما تسمع كلمت تأهب بتعرف انو اجا الظابط يعني الساعه ١٠ . لما تطفي الكهرباء بتعرف انها ١٢ نصف الليل و هيك .
بي النهايه خلص التحقيق و طلعت نظيف و ما علي شي و اطلقو صراحي بس رحلت العذاب بلشت من بعد ما فلت لما رجعت على البيت و الكره الارضيه مفكره انو عامل جرم كبير من وراء الطريقه يلي اخدوني فيها و انا بعدني إلى هيدي اللحظه عم برر و اشرح لكال واحد بي وحدو شو صار لانو صارت سمعتي بي الأرض.
يمكن كون انا اتهورت و غلطت بي دافع الغباء و عدم المعرفه بس ما كانت القصه تستاهل كل هل الذل يلي تعرضتلو انا مش عم للوم فرع المعلومات على شي لانو ما غلطو معي ابدا هول عسكر و كانو عم بقومو بي واجبن بس انو يلي اذني نفسيا و جرحني بكل الموضوع عن هيدي المزرعه يلي صرنا عيشين فيها ، كنت كل الوقت صور و مش عم سبب أذى ل اي انسان و حتى فرجي صوره جميله عن لبنان يلي عم نجرب نضحك فيه على حالنا و نتوهم انو ممكن يصير بلد . بي حياتي ما كنت ناطر مكافئه او تقدير و حتى التعليقات اوقات ما كنت اقرأهن لانو ما كنت فتش على الشهره او التقدير بس انو اخر شي ينتهي المطاف مكبوب بي سجن متل الكلب مع نخبه من حثالة المجتمع و المجرمين و المنبوذين بس لأنو عايش بي بلد كل شارع وبنايه فيها زعيم ؟
لح يجي هلاء واحد فيلسوف يقلي اه ما لبنان كلو مربعات امنيه و هيدا حقن و جوابي انو تعرضت لمواقف اسوء من هيدي و ما صار هل الزخم كلو . مره كنت عم صور قرب ثكنه مغاوير و طلبو مني محي الفيديو و فل و خلصت القصه بي ١٥ دقيقه . مره بي الجنوب بي جبل صافي يلي لحقا عرفت انو معقل عسكري ل ح ز ب الله . و طبو عليه و اخدوني بي سيارتي بي كل احترام و فتشو الكاميرا و اعتذرو مني و فلتوني بعد ساعتان و بعد اسبوع جبولي الطياره على البيت مع اعتذار ثاني . و مره حد بيت نجيب ميقاتي رئيس حكومه دوله. بي سان جورج بعتولي عسكري حتي يقلي إبعد الطياره عن البنايه. ف اسمحولي فيها هيدي. الموضوع مش هيك ابدا بس هونيك مطرح ما صارت الحادثه بحبو يعملو قصص دراما و افلام هالوود و كان ممكن تنحل بي طريقه اكثر سلميه و بلا اذي
على كل حال انا لح ضل صور لانو هوايه ما تعلمت غيرها ، بي شو بدلها طيب ؟ بروح بصطاد سمك مثلا ؟ بس العبره يلي تعلمتها من هل الدرس التاريخي انو ما حدن احسن من حدن و كلن اضرب من بعض ، كلن بيحكو انو بدون دوله و هني بي مارسو أساليب العصابات . هني بي علموك كيف تصير طائفي و بي أجيجو الكراهيه و الحقد فينا . لطالما كنت كسروان اجمل مكان على قلبي و من انا و صغير كنت تسرق مخيلتي و تطارد أحلامي وما بحب صور غيرها . و انا بس بي هيدا المكان انذلت و تبهدلت و دعوس على كرامتي. طول عمري بكره السياسه و ما بتعطه أديان. بس بي هديك اللحظه اجا مين يذكرني اني انا من ايا طائفه و ين مسموح تصور او لأ حسب ديناتك”