د.شرتوني : “يبدو ما عندك فكرة شو فنزويلا”

Almarsadonline

كتب الناشط والاستاذ الجامعي الدكتور شارل شرتوني على صفحته على منصة X :

‏ملاحظات عالهامش

يبدو ما عندك فكرة شو ڤنزويلا ، صدف انو صرلي ٣٦ سنة بقطع اميركا الجنوبية والوسطى من أقاصيها لاقاصيها، مشي وبالباص، وبالاوتوستوپ بنصحك تروح على ڤنزويلا لتعرف شو القصة: ڤنزويلا منا جمهورية ولا دولة، ڤنزويلا كناية عن بلد مخطوف من مجموعة مجرمين ومافيات نظامية تنهب وتقتل و تأوي كل الحركات الارهابية وتنظيمات الجريمة المنظمة باميركا اللاتينية والعالم. كل ليلة بيسحبو الناس من بيوتها وبيعدموها بأحيائها وبيتركو الجتت للاعتبار ممن لم يعتبر .مضحك كلام الاعتداء على السيادة الوطنية، أي سيادة وطنية وأي دولة؟ إذا بتتجرأ روح جرب حظك ؟ ناهيك عن دخول روسيا والصين من الباب الفنزويلي والكوبي لمحاولة تطويق الولايات المتحدة. أنت عم تحكي عما يسمى الدول الرعاع ، اسوأ هيدي امتدادات ليس إلا للارهاب والجريمة المنظمة. نائب الرئيس السابق ، طارق العيسمي وولاد عمو ( هجرة درزية قديمة من سوريا) بيوازو پابلو اسكوبار ومطلوبين من ال DEA . ما فيك تفهم الجيوپوليتيكية باميركا اللاتينية إذا ما تعرفت ودرست تقاطع الخريطة السياسية مع الجريمة المنظمة وتحديدا انتاج وتجارة المخدرات. روح تعرف على شبكات الجريمة المنظمة اللي بناها حزب الله بالتقاطع مع كارتيلات المخدرات بكولومبيا وفنزويلا ونيكاراغوا وهندوراس ….رجاء وقفو التنظير وخلط الأمور ببعضها وتعرفو على الواقع …