طرابلس ليست “ملحقاً”: رسائل مشبوهة خلف ستار الإغاثة.

توزيع إعاشات في طرابلس تحت شعار “من الشام إلى أهلنا في طرابلس الشام” ما بيقطع مرور الكرام.

هيدا مش مجرد عمل خيري، هيدا خطاب سياسي ــ جغرافي بلبوس إنساني، وعم يزرع رسائل واضحة بتتخطّى حدود المساعدات.

بهيدا النوع من الشعارات، في محاولة لتغيير هوية مدينة كاملة، وربطها بمرجعيات خارج الدولة. وهيدا الأمر بيمثّل تجاوز خطير، وبيعني دخول أدوات سياسية على خط العمل الإغاثي بهدف صناعة نفوذ، مش مساعدة الناس.

هيدا الملف مش لازم يمرّ بلا محاسبة. المطلوب تحرّك سريع من الدولة والأجهزة المعنية لتوقيف المسؤولين عن هيدا التجاوز، لأن اللعب بالهوية الوطنية مش تفصيل… والتساهل هون بيخلق أعراف ما بقى يمكن ضبطها لاحقًا.