إحتجزت داخل الطائرة ساعتين قبل إجلائها : “مطارنا دكانة”!

Almarsadonline

كتبت السيدة  ميرا م. عبدالله التي كانت متوجهة الى تركيا واحتجزت داخل الطائرة في مطار بيروت قبل اجلاء الركاب دون معرفة الاسباب واعلامهم عنها على صفحتها على فيسبوك  :

“بعتذر اعتذار شديد اللهجة من كل مطارات العالم لما قلت إنو صار مطارنا بيشبه شي اسمه مطار. بطمنكن بعده دكانة.
الطيارة ما طلعت لأسباب تقنية. خبرونا هالشي بعد ما انزربنا ساعتين بالطائرة من دون أي جواب. طلبوا منا ننزل من الطيارة وضهرونا برا المطار (ايه لغيوا ختم الخروج من لبنان)، وما حدا فهمان شي من شي وما حدا عنده جواب عن الرحلة الجاية أو الconnecting flights. في موظفة واحدة للتعامل مع ما لا يقل عن ٢٠٠ راكب وهيك. والTurkish Airlines دكانة على مستوى آخر. بعد ساعتين من الضياع قرروا يبعتوا مندوب بركي عنده شي جواب ولهلق مش عارفين شي من شي. 🤦🏻‍♀️🤦🏻‍♀️
#وطن_النجوم”