ردٌّ ناري من نائب قواتي
ردّ عضو تكتل “الجمهورية القوية”، النائب بيار بو عاصي في منشور له على “فايسبوك” على رئيس كتلة “الوفاء للمقاومة” النائب محمد رعد”، قائلا: “حاج محمد حاج تربحنا جميلة. حاج محمد حاج تصنّف اللبنانيين على ذوقك”.
وتابع: “على فوقة، مين هنّي اللئام يللي عم تحكي عنهم؟ كونك بهالجرأة سميهن بالاسم. بعدان مين كلفك تدافع عنّا من خارج الدولة وممثلي الشعب”.
وأضاف: “بشرفك تشرحلنا كيف عم تدافع عن لبنان وكيف عم تنصر غزة؟ كل لبنان عم ينهار بسبب سياساتك وانتصاراتك الالهيّة الوهميّة والمدمّرة”.
وقال: “انت خليت مقومات صمود اقتصادي واجتماعي بلبنان؟ ما تكون مفكر صواريخك الايرانية بيطعمو شعب ساهَمت انت بذبحه من الوريد للوريد. مين هودي يللي مربحهم جميلة انك راضي بلا نفس ان يكونوا في لبنانك غير اللبناني؟ يا كلّي الجرأة ليش ما بتسميهم؟ ما يكون قصدك المسيحيين”!
وأردف: “ما يكون قصدك كل المسلمين والمسيحيين يللي مش راضيين على زجهم في أتون النار الإقليمية. حاج محمد حاج استعلاء واستكبار في خضم حرب قرر الإيراني ان يجعل من لبنان ساحة لها حتى يموت ويهاجر آخر لبناني”.
وختم: “حاج محمد حاج استكبار واستعلاء وخدنا بحلمك شوي”.