بعد مضايقات ” شرعية” الأب علاوي يعلن إقفال مراكزه!
على إثر تعرض الأب مجدي علاوي لسلسلة من التعديات والمضايقات ” الشرعية ” والسرقات ،
ولان بضع كلمات عبرت عن وجعه ومعاناته في هذا الزمن الرديء والصعب، وتغنينا عن سرد ما حصل معه وارتكب في مؤسسته الخيرية المجانية ومراكزه، وهي التي دفعته لاقفال مراكزه،
فإننا نورد للقراء ما كتبه وهو كافٍ لكشف حقيقة ما حصل معه،
كتب الاب علاوي:
“لسخرية القدر… قوى الامن بلبنان صرلها يومين عم تداهم مركز المشردين والمدمنين عندي بالمعيصرة لسبب مهم كتير يهدد الأمن القومي وسلامة المواطنين… عم رمم بيوت ولادي لأنو الماي عم تفوت عليهن وعم حط خشب بمكتب ابني ماتيو ليصير مركز للاطفال…
نعم… هيدي تهمتي… يومين عم يسكروا طريق المركز… عم يوقفوني عن الشغل… بالوقت يلي مجهول كسرلي سيارتي… وانسرق الفرن المجاني… ما حدا منن رد عليي… غير بعد شي اسبوع… وكان يلي ضرب ضرب…
يا بيي… انا ما بدي شي منكن… بس بهالبرد… بهالوجع… بهالقِلّة… بهالسيول يلي عم تفوت ع ولادي… كيف إلكن قلب هيك تعملو فينا؟…
ليه القانون عالفقرا؟… ليه القانون عالمشردين؟… انتو أمن على مين؟ وضد مين؟…
انا بناشد كنيستي ورعيتي والمراجع الرسمية والحزبية كلها يراجعو شو عم يصير… ويتصرفوا لأنو عند ربنا ما حدا فوق راسو خيمة!
ورح أعمل مؤتمر صحفي تُحدد تفاصيلو لاحقاً…
صلولي يا بيي!
خادم جمعية سعادة السماء”
الأب مجدي العلاوي
